അദ്ദിക്ർ

പ്രപഞ്ചം അതിന്‍റെ സന്തുലനത്തില്‍ നിലനിര്‍ത്താനുള്ള ത്രാസ്സും അമാനത്തും ആത്മാവിന്‍റെ ഭക്ഷണവും വസ്ത്രവും ദൃഷ്ടിയുമായ അദ്ദിക്ര്‍ വന്നുകിട്ടിയിട്ട് അതിനെ മൂടിവെച്ചത് മനുഷ്യനില്‍ നിന്ന് ആരായാലും അവന്‍ വധിക്കപ്പെട്ടിരിക്കുന്നു എന്നാണ് സൂക്തം പറയുന്നത്. അതായത് ആത്മാവില്ലാതെ ജീവന്‍ മാത്രമുള്ള ഉറക്കാവസ്ഥ പോലെ യാണ് അവരുടെ അവസ്ഥ. തെമ്മാടികളായ കപടവിശ്വാസികളല്ലാതെ അദ്ദിക്റിനെ മൂടി വെക്കുകയില്ല എന്ന് 2: 99 ലും; നിശ്ചയം കപടവിശ്വാസികള്‍ തന്നെയാണ് തെമ്മാടികളെന്ന് 9: 67 ലും; എല്ലാവരും തെമ്മാടികളായി മാറുമ്പോഴാണ് ലോകം അവസാനിക്കുക എന്ന് 46: 35 ലും പറഞ്ഞിട്ടുണ്ട്. അല്ലാഹുവിന്‍റെയും വിശ്വാസികളുടെയും ശത്രുക്കളായ കപട വിശ്വാസികളെ അല്ലാഹു വധിച്ചിട്ടുള്ളതിനാല്‍ അവരെ ഒരിക്കലും അദ്ദിക്ര്‍ കൊണ്ട് ഉ ണര്‍ത്താന്‍ സാധ്യമല്ല. ഇഹത്തില്‍ സര്‍വ്വ സൃഷ്ടികളുടെയും ശാപത്തിന് വിധേയരായ അവര്‍ വിചാരണയില്ലാതെ നരകത്തിന്‍റെ അടിത്തട്ടില്‍ പോകേണ്ടവരാണ് എന്ന് 4: 145 ല്‍ പറഞ്ഞിട്ടുണ്ട്. 33: 60-61; 51: 10-14; 63: 4 വിശദീകരണം നോക്കുക.